حادث تحت كوبري السيف بين كرسيدا وسكسويل

السلام عليكم ورحمة الله وبركاته

حادث تحت كوبري السيف بين كرسيدا وسكسويل ,, السبب واحد منهم كاسر الاشاره الحمرة

يا جماعة اتقوا الله ,, اتقوا الله يا جماعه في السرعه ترى والله خطير هالشى عن جد

يا جماعة شى تجوفه جدام عينك

تخيلوا يا جماعة 3 اشخاص منحشرين بالسيارة وشخص منحشر بالسكسويل ولا احد قادر يساعدهم ,,

القلب يتقطع عظامتهم تبين ,,

وين الداخليه وين الاسعاف ,, معقولة المرور يوصل قبل الاسعاف؟؟؟ وقبل المطافي عشان يقصون السقف؟؟

والله حرام تموا ينزفون الشباب من قلب

ما ادري شلون اوصف لكم المنظر لكن والله الى شافته عيني اليوم لو كلام الدنيا اقدر اقوله ما يخلص عشان اوصف لكم

اتمنى حاسين فيني اخواني واخواتي

في الكرسيدا كان ثلاثه شبان قدرنا نطلع ثنين ,, الى جنب السائق والى ورا ,, اما الى يسووق الكرسيدا

والله انا اكتب لكم وعيني تدمع ,, الى في الكرسيدا تم ينزف ورجولة والداشبورت صاك على رجوله ثنتينهم ,, نزلت له الكرسي خليت راسه على حظني وقاعد القنه ,, قول لا اله الا الله قول لا اله الا الله وتميت معاه لين ما جوا الشرطة اخر الوقت وقصوا لسقف وطلعوه ,, وشفت حطوا عليه البرده البيضة

بس ما ادري مات او لا ,, بس يوم كان في حظني كان يتنفس ,, وبعدين نسمه وقف

اتمنى من كل قلبي يوتعي في الانعاش والله يكتب له عمر جديد يا رب

والى كان في السكسويل ايضا شاب بحريني ,, كان يان من الالم وكان منحشر داخل السكسويل ولا احد قادر يطالعه

وكان في الحادث بنات يصيحون وحاله من الهلع

منقوووووووول

1-سائق الكرسيدا {حميد}توفى ( الله يرحمه )
2- فيصل توفى ( الله يرحمه)
3 - عقيل في حاله خطرة